Thursday , April 25 2019
ہوم > سائنس > حیران کن سافٹ ویئر

حیران کن سافٹ ویئر

بیجنگ: 

چین میں ایک سرچ انجن بائیڈو بہت زیادہ استعمال ہوتا ہے۔ بائیڈو ہمیشہ اپنی عجیب و غریب ٹیکنالوجی کی وجہ سے خبروں میں رہتا ہے اور اب اس کے پس پشت ادارے نے کہا ہے کہ وہ صرف ایک منٹ تک آپ کی آواز سن کر اسے کلون کرکے آپ کی آواز اور لہجے میں بات کرنے لگتا ہے۔بائیڈو ایک عرصے سے آوازوں اور موسیقی کےلیے مصنوعی ذہانت (آرٹیفیشل انٹیلی جنس) استعمال کررہا ہے اور اب یہ مرد کی آواز عورت میں اور عورت کی آواز مرد میں تبدیل کرسکتا ہے۔ امریکی لہجے کو برطانوی اور چینی لہجے کو جاپانی میں تبدیل کرنے کی صلاحیت بھی رکھتا ہے۔ اس کے اے آئی سافٹ ویئر کو ڈِیپ وائس کا نام دیا گیا ہے۔

بائیڈو سے وابستہ ماہرین نے کہا ہے کہ ایک سال پہلے سافٹ ویئر کو 30 منٹ تک آواز اور لہجہ سنانے کی ضرورت پڑتی تھی لیکن اب اس وقت کو کم کرکے ایک منٹ کردیا گیا ہے کیونکہ اس کا الگورتھم بہتر بنالیا گیا ہے۔ چینی ماہرین نے آواز کی فطری لوچ، قدرتی انداز اور لب و لہجے برقرار رکھنے کی بھرپور کوشش کی ہے۔ اسی بنا پر سننے والا محسوس نہیں کرسکتا کہ یہ کوئی مشینی آواز ہے۔

چینی ماہرین یہ دکھانا چاہتے ہیں کہ مشین کس طرح پیچیدہ امور سیکھتی ہے اور کس طرح ایک کمپیوٹر آوازوں کی نقل اتارتا ہے۔ اگلے مرحلے میں آوازوں کو مزید بہتر کرکے پروسیسنگ پر بوجھ کم کریں گے اور اسے حقیقت کے مزید قریب بنانے کی کوشش کریں گے۔

بائیڈو کمپنی عجیب و غریب اشیا بنانے میں بھی مشہور ہے۔ ایک سال قبل اس نے مصنوعی ذہانت کی بنیاد پر ازخود چلنے والی موٹرسائیکل بنانے کا اعلان کیا تھا۔ 2000ء میں قائم ہونے والی اس کمپنی میں اب علی بابا کارپوریشن نے دلچسپی کا اظہار بھی کیا ہے۔

 
 

یہ بھی دیکھیں

سائنسدانوں نے آج بلیک ہول کی تصویر جاری کی لیکن قرآن میں 1400 سال قبل ہی ان کا کیسے ذکر کیا گیا؟ جان کر آپ بھی سبحان اللہ کہہ اُٹھیں گے

لندن(مانیٹرنگ ڈیسک) ماہرین فلکیات گزشتہ دنوں تاریخ میں پہلی بار بلیک ہول کی ایک تصویر …

Leave a Reply

Your email address will not be published. Required fields are marked *