Sunday , August 19 2018
ہوم > کاروبار > ’میرا کام ایف بی آر کی وصولیاں بڑھانا نہیں، بزنس کمیونٹی کو مراعات دینا ہے‘

’میرا کام ایف بی آر کی وصولیاں بڑھانا نہیں، بزنس کمیونٹی کو مراعات دینا ہے‘

کراچی: وزیر خزانہ مفتاح اسماعیل نے کہا ہےکہ میرا کام ایف بی آر کی وصولیاں بڑھانا نہیں، بزنس کمیونٹی کو مراعات دینا ہے۔

کراچی میں تاجروں سے گفتگو کرتے ہوئے وزیر خزانہ مفتاح اسماعیل نے کہا کہ ادویات پرکسٹم ڈیوٹی میں کمی پرغور کریں گے لیکن گاڑیوں پر ٹیکس سے پیچھے نہیں ہٹیں گے۔

انہوں نے کہاکہ متحدہ عرب امارات سے تجارت میں ڈھائی ارب ڈالر کی انڈر انوائسنگ ہے، چین سے امپورٹ میں 4 ارب ڈالرکی انڈرانوائسنگ ہورہی ہے، چین نے اب تک آن لائن ڈیٹا تک رسائی نہیں دی ہے۔

وزیر خزانہ کا کہنا تھاکہ نان فائلر کے لیے پراپرٹی خریداری کی رقم 40 سے بڑھا کر 50 لاکھ کردی ہے جب کہ ٹیکس ایمنسٹی کا معاملہ چیف جسٹس کی صوابدید پرہے۔

مفتاح اسماعیل نے کہا کہ وفاقی بجٹ پیر کو قومی اسمبلی سے منظور کرایا جائے گا، بجٹ سے متعلق بزنس کمیونٹی کےاعتراضات دورکیے جائیں گے، میرا کام ایف بی آر کی وصولیاں بڑھانا نہیں، بزنس کمیونٹی کو مراعات دینا ہے۔

ان کا کہنا تھاکہ بجٹ میں کراچی کے لیے پانی کی فراہمی کے بڑے منصوبے کا اعلان کیا۔

یہ بھی دیکھیں

زرمبادلہ کتنا رہ گیا؟؟

کراچی: پاکستان کے زر مبادلہ کے ذخائر میں مزید 29 کروڑ ڈالرز کمی واقع ہوئی …

Leave a Reply

Your email address will not be published. Required fields are marked *