Friday , May 24 2019
ہوم > پاکستان > سیکیورٹی فورسز کا آپریشن، لشکر جھنگوی بلوچستان کے سربراہ سمیت 3 دہشتگرد ہلاک

سیکیورٹی فورسز کا آپریشن، لشکر جھنگوی بلوچستان کے سربراہ سمیت 3 دہشتگرد ہلاک

کوئٹہ: آپریشن ردالفساد کے تحت سیکیورٹی فورسز نے بلوچستان کے علاقے کلی الماس میں آپریشن کیا جس کے نتیجے میں لشکر جھنگوی بلوچستان کے سربراہ سمیت تین دہشت گرد ہلاک ہوگئے۔

پاک فوج کے شعبہ تعلقات عامہ (آئی ایس پی آر) کے مطابق خفیہ اطلاع پر کیے جانے والے آپریشن میں دہشت گردوں سے فائرنگ کے تبادلے میں ملٹری انٹیلجنس کے کرنل سہیل عابد شہید ہوگئے جبکہ چار جوان زخمی ہوگئے جن میں سے دو کی حالت نازک ہے۔

آئی ایس پی آر نے بتایا کہ آپریشن کے دوران لشکر جھنگوی بلوچستان کا سربراہ سلمان بدینی ہلاک ہوگیا جبکہ دو خودکش بمبار بھی آپریشن میں مارے گئے۔

آئی ایس پی آر کے مطابق ہلاک دہشت گرد ہزارہ کمیونٹی کے 100 سے زائد افراد اور پولیس اہلکاروں کے قتل میں ملوث تھے۔

یہ بھی دیکھیں

ایک نیا ریکارڈ قائم

اسلام آباد ۔ (نیوزڈیسک) وزیر اعظم کی معاون خصوصی فردوس عاشق اعوان نے کہا ہے …

Leave a Reply

Your email address will not be published. Required fields are marked *