Monday , August 20 2018
ہوم > پاکستان > 27.3 فیصد افراد نے نواز شریف کی کارکردگی اوسط درجے کی قرار دے دی، سروے

27.3 فیصد افراد نے نواز شریف کی کارکردگی اوسط درجے کی قرار دے دی، سروے

غیرسرکاری ادارے سسٹین ایبل ڈویلپمنٹ پالیسی انسٹی ٹیوٹ (ایس ڈی پی آئی) نے وفاقی وصوبائی حکومتوں کی کارکردگی کے حوالے سے سروے رپورٹ جاری کردی۔

رپورٹ کے مطابق 11.9 فیصد عوام کی رائے ہے کہ گزشتہ 5 برسوں میں وفاقی حکومت کی کارکردگی زبردست رہی جبکہ 16.8 فیصد لوگوں نے کارکردگی کو اوسط درجے سے کم اور 18.4 فیصد نے اوسط درجے سے بہتر قرار دے دی۔

42 فیصدلوگوں کے مطابق وفاقی حکومت کی کارکردگی اوسط درجےکی رہی۔ سروے کے 10.4 فیصد لوگوں نے گزشتہ 5 برسوں میں وفاقی حکومت کی کارکردگی کو انتہائی ناقص قرار دے دیا۔سروے میں شامل افراد سے یہ سوال بھی کیا گیا کہ سابق وزیراعظم نواز شریف کی کارکردگی کیسی رہی، جس کے جواب میں 21.7 فیصد لوگوں نے نواز شریف کی کارکردگی کو انتہائی ناقص، 13.2 فیصد نے زبردست، 20.2 فیصد نے اوسط سے کم، 17 فیصد نے اوسط سے اوپر اور 27.3 فیصد افراد نے نواز شریف کی کارکردگی کو اوسط درجے کی قرار دے دی۔

صوبائی حکومتوں کی کارکردگی کو 12.2 فیصد عوام نے ناقص قرار دیا جبکہ 11.1 فیصد لوگوں نے صوبوں کی کارکردگی کو زبردست، 9.4 فیصد لوگوں نے اوسط سے نیچے، 17.2 فیصد لوگوں نے اوسط سے اوپر اور 38.9 فیصد لوگوں نے صوبائی حکومتوں کی کارکردگی کو اوسط درجے کی قرار دیا۔

یہ بھی دیکھیں

نون نے پھربڑا اعلان کردیا

صدر مسلم لیگ ن شہباز شریف نے ایک بار پھر 25 جولائی کو ہونے والے …

Leave a Reply

Your email address will not be published. Required fields are marked *