Thursday , October 18 2018
ہوم > پاکستان > حمزہ شہباز سمیت 6 افراد کے خلاف مقدمہ درج

حمزہ شہباز سمیت 6 افراد کے خلاف مقدمہ درج

لاہور: چیف جسٹس پاکستان جسٹس میاں ثاقب نثار کےحکم پر لاہور پولیس نے 7 سال بعد عائشہ احد کی درخواست پر حمزہ شہباز سمیت 6 افراد کے خلاف مقدمہ درج کرلیا۔

وزیراعلیٰ پنجاب شہباز شریف کے صاحبزادے حمزہ شہباز کے خلاف درج مقدمے میں تشدد، چوری، چھینا جھپٹی، توڑ پھوڑ ، جان سے مارنے کی دھمکیاں اور زیادتی کی کوشش کی دفعات شامل کی گئی ہیں۔

چیف جسٹس پاکستان نے آئی جی پنجاب کو ہفتے کی رات 12 بجے تک مقدمہ درج کرنے کا حکم دیا تھا اور کہا تھا کہ عدالتی احکامات پر عمل نہیں کرسکتے تو چھٹی پر چلے جائیں۔

یاد رہے کہ عائشہ احد نامی خاتون نے حمزہ شہباز کی اہلیہ ہونے کا دعویٰ کر رکھا ہے اور انہوں نے درخواست میں حمزہ شہباز اور دیگر کی جانب سے جان سے مارنے کی دھمکیاں دیے جانے کا بھی الزام لگایا ہے۔

عائشہ احد نے دعویٰ کیا تھا کہ حمزہ شہباز کے ساتھ ان کی 2010 میں شادی ہوئی جس کے نواز شریف اور ان کی اہلیہ کلثوم نواز بھی گواہ ہیں جبکہ اُن کے پاس شریف فیملی کے تمام پیغامات بھی موجود ہیں۔

سی سی پی او لاہور کیپٹن (ر) امین وینس کے مطابق مقدمے میں نامزد دیگر ملزمان میں ذوالفقار چیمہ، انسپکٹر عتیق ڈوگر، سابق انسپکٹر جنرل رانا مقبول اور عمران یوسف بھی شامل ہیں۔

یہ بھی دیکھیں

’’ میں یہ عہدہ نہیں لینا چاہتا کیونکہ۔۔۔‘‘ عمران خان کے اپنے ہی قریبی دوست نے بڑا جھٹکا دیدیا ، ایسا اعلان کر دیا کہ سن کر کپتان کو بھی یقین نہیں آئے گا

اسلام آباد (ویب ڈیسک )وزیراعظم عمران خان کے قریبی دوست صاحبزادہ امیر جہانگیر نے خصوصی …

Leave a Reply

Your email address will not be published. Required fields are marked *