Thursday , October 18 2018
ہوم > پاکستان > نگراں وزیراعلیٰ پنجاب کا معاملہ پارلیمانی کمیٹی میں جائے گا، رانا ثناءاللہ

نگراں وزیراعلیٰ پنجاب کا معاملہ پارلیمانی کمیٹی میں جائے گا، رانا ثناءاللہ

لاہور: مسلم لیگ (ن) کے رہنما رانا ثناءاللہ کا کہنا ہے کہ اپوزیشن نگراں وزیراعلیٰ کے نام پر اتفاق رائے کر کے پیچھے ہٹ گئی تاہم اب رات 12 بجے کے بعد معاملہ پارلیمانی کمیٹی میں چلا جائے گا۔

سابق صوبائی وزیرقانون راناثناءاللہ کا کہنا تھا کہ وزیراعلیٰ پنجاب شہباز شریف اور میاں محمود الرشید کی ملاقات کا کوئی امکان نہیں، دونوں کے درمیان ہونے والی ملاقات ناکام رہی ہے۔

رانا ثناءاللہ نے کہا کہ ہمارے دیئے گئے 4 ناموں میں سے کسی پر اتفاق رائے ہوا تو ملاقات ہوسکتی ہے اور شاید نگراں وزیراعلیٰ کا معاملہ الیکشن کمیشن میں چلا جائے۔

اس سے قبل ترجمان راناثناء اللہ کا کہنا تھا کہ اپوزیشن لیڈر میاں محمود الرشید اور راناثنااللہ کے درمیان نگراں وزیراعلیٰ پنجاب کی نامزدگی کے سلسلے میں ٹیلی فونک رابطہ ہوا تھا جس کے دوران اس معاملے پر پارلیمانی کمیٹی بنانے پر بات ہوئی تھی۔

ترجمان کا کہنا تھا کہ پارلیمانی کمیٹی پر مشاورت کے لیے محمودالرشید آج عمران خان سے ملاقات کریں گے اور مشاورت کے بعد محمودالرشید پارلیمانی کمیٹی کا اعلان کریں گے۔

راناثناءاللہ کے ترجمان نے دعویٰ کیا کہ تحریک انصاف شام تک اسپیکر کو پارلیمانی کمیٹی کے نام بھجوا دے گی

یہ بھی دیکھیں

’’ میں یہ عہدہ نہیں لینا چاہتا کیونکہ۔۔۔‘‘ عمران خان کے اپنے ہی قریبی دوست نے بڑا جھٹکا دیدیا ، ایسا اعلان کر دیا کہ سن کر کپتان کو بھی یقین نہیں آئے گا

اسلام آباد (ویب ڈیسک )وزیراعظم عمران خان کے قریبی دوست صاحبزادہ امیر جہانگیر نے خصوصی …

Leave a Reply

Your email address will not be published. Required fields are marked *