Sunday , August 19 2018
ہوم > کاروبار > ٹیکس اہداف حاصل کرنے کیلئے تمام اقدامات کیے جائیں: وزیر خزانہ

ٹیکس اہداف حاصل کرنے کیلئے تمام اقدامات کیے جائیں: وزیر خزانہ

اسلام آباد: وزیر خزانہ ڈاکٹر شمشاد اختر ںے ایف بی آر کو رواں مالی سال کے ٹیکس اہداف حاصل کرنےکیلئے تمام اقدامات کی ہدایت کی ہے۔

اسلام آباد میں وزیر خزانہ ڈاکٹر شمشاد اختر سے فیڈرل بورڈ آف ریونیو (ایف بی آر) حکام نے ملاقات کی جس میں وزیر خزانہ کو مالی سال 18-2017 کی کارکردگی پر بریفنگ دی گئی جب کہ انہیں ایمنسٹی اسکیم اور ٹیکس ریبیٹ صورتحال پر بھی معلومات دی گئیں۔

چیئرمین ایف بی آر نے بتایا کہ مالی سال 2013 میں ٹیکس ٹوجی ڈی پی 8.7 فیصد تھی، پانچ سال میں ٹیکس ٹو جی ڈی پی 12.4فیصد پر پہنچ گئی ہے، انکم ٹیکس گوشوارے 5 برس میں دُگنا ہوکر 14 لاکھ سے بڑھ گئے ہیں۔

چیئرمین ایف بی آر نے مزید بتایا کہ ایس آر او کے ذریعے 300 ارب روپے کی مرعات واپس لی گئیں، ٹیکس دہندگان کی سہولت کیلئے قومی شناختی کارڈ کو نیشنل ٹیکس نمبر کا درجہ دیا گیا، نئے مالی سال میں ٹیکس سلیب 7 سے کم کرکے 4 کردئیے گئے۔

اس موقع پر ڈاکٹر شمشاد اختر نے ملکی معاشی صورتحال پر تبادلہ خیال کرتے ہوئے کہا کہ ترقیاتی منصوبوں کی فنڈنگ کے لیے ٹیکس ٹو جی ڈی پی کا تناسب بڑھانا ہوگا۔

وزیر خزانہ نے سوال کیا کہ سابق حکومت کی ٹیکس اسکیم سےکتنے ٹیکس محاصل اکٹھے ہوئے؟ ڈاکٹر شمشاد اختر نے ٹیکس نظام کے ٹیکنالوجی اپ گریڈیشن پر بھی سوالات کیے۔

وزیر خزانہ نے کہا کہ رواں مالی سال کے ٹیکس اہداف حاصل کرنےکیلئے تمام اقدامات کیے جائیں۔

یہ بھی دیکھیں

زرمبادلہ کتنا رہ گیا؟؟

کراچی: پاکستان کے زر مبادلہ کے ذخائر میں مزید 29 کروڑ ڈالرز کمی واقع ہوئی …

Leave a Reply

Your email address will not be published. Required fields are marked *