Monday , January 21 2019
ہوم > انٹرنیشنل > ممتاز کشمیری صحافی سری نگر میں قتل

ممتاز کشمیری صحافی سری نگر میں قتل

مقبوضہ کشمیر کے شہر سری نگر میں ممتاز صحافی اور رائزنگ کشمیر کے ایڈیٹر ان چیف شجاعت بخاری کو نامعلوم افراد نے فائرنگ کرکے قتل کردیا۔

بھارتی میڈیا کے مطابق شجاعت بخاری پر سری نگر کے علاقے لال چوک حملہ کیا گیا۔

انہیں فوری طور پر اسپتال منتقل کیا تاہم وہ زخموں کی تاب نہ لاتے ہوئے چل بسے۔ حملے میں ان کا سیکیورٹی افسر بھی ہلاک ہوگیا۔

حکام کے مطابق ممتاز صحافی پر حملہ اس وقت ہوا جب وہ اپنے دفتر سے ایک افطار پارٹی کے لیے جارہے تھے۔

رائزنگ کشمیر کے ایک ملازم کے مطابق حملہ آوروں کی تعداد چار تھی۔واقعے میں دو دیگر افراد زخمی بھی ہوئے جن کی حالت نازک بتائی جاتی ہے۔

اس سے قبل 2000 میں بھی ان پر حملہ کیا گیا تھا تاہم وہ اس میں محفوظ رہے تھے۔
پاکستان کی مذمت

دوسری جانب پاکستان نے سری نگر میں سینیر صحافی شجاعت بخاری کے قتل کی مذمت کی ہے۔

ترجمان دفتر خارجہ ڈاکٹر محمد فیصل نے کہا کہ قتل میں ملوث ملزمان کو انصاف کے کٹہرے میں لایاجائے۔

انہوں نے کہا کہ شجاعت بخاری نے کشمیر کی صورتحال پر اقوام متحدہ انسانی حقوق کمیشن کی رپورٹ ٹویٹ کی تھی۔

ان کا مزید کہنا تھا کہ رپورٹ ٹویٹ کرنے کے چند گھنٹوں بعد شجاعت بخاری کو قتل کیاگیا۔

یہ بھی دیکھیں

عالیہ بھٹ اوررنبیرکپورنیوایئراکٹھےمنانے کے بعد آج کل کدھرہیں؟ اور کن کاموں میں مصروف ہیں ؟ شوبز کی دنیا سے گرما گرم خبر

ممبئی(شوبزڈیسک) بالی وڈ اداکارہ عالیہ بھٹ اور اداکار رنبیر کپور نے 2019 کا جشن نیویارک …

Leave a Reply

Your email address will not be published. Required fields are marked *