Thursday , December 13 2018
ہوم > شوبز اور فیشن > پریانکا چوپڑا بھی دیپکا پڈوکون کے نقش قدم پر چل پڑیں۔۔۔۔ شادی کے تقریبات کے حوالے سے بڑی پابندی کا اعلان کر دیا

پریانکا چوپڑا بھی دیپکا پڈوکون کے نقش قدم پر چل پڑیں۔۔۔۔ شادی کے تقریبات کے حوالے سے بڑی پابندی کا اعلان کر دیا

ممبئی (ویب ڈیسک) بالی ووڈ اداکارہ پریانکا چوپڑا اور گلوکار نک جونس اپنی شادی کی تیاریوں میں دپیکا اور رنویر کے نقش قدم پر چلتے دکھائی دے رہے ہیں کیونکہ اب انہوں نے دیپ ویر کی طرح اپنی شادی میں بھی موبائل فون کے استعمال پر بڑی پابندی لگا دی ہے۔

ٹائمز آف انڈیا کی رپورٹ کے مطابق چند روز قبل شادی کے بندھن میں بندھنے والے اداکار رنویر سنگھ اور اداکارہ دپیکا پڈوکون نے اپنی شادی پر موبائل فون کے استعمال پر پابندی عائد کی تھی تاکہ شادی کی تصاویر سوشل میڈیا پر لیک نہ ہوجائیں اور اب دیسی گرل پریانکا نے بھی تصاویر لیک ہوجانے کے ڈر سے یہی طریقہ اپنایا ہے۔ بھارتی میڈیا کا کہنا ہے دونوں اسٹارز نے اپنی شادی کی تصاویر کے حقوق ایک بین الاقوامی میگزین کوتقریباً 33 کروڑ روپے میں فروخت کیے ہیں۔ لہٰذا شادی کی تقریب میں اس بات کا سختی سے خیال رکھاجائے گا کہ کوئی بھی مہمان اپنے موبائل سے تصاویر نہ کھینچ سکے۔ اس سے قبل پریانکا چوپڑا اور نک جونس دپیکا اور رنویر کے ہی نقشے قدم پر چلتے ہوئے دو شادیاں کرنے کا اعلان بھی کر چکے ہیں۔ میڈیا رپورٹس کے مطابق یہ جوڑا 2 دسمبر کو ’ہندو‘ رسم و رواج کے مطابق شادی کرے گا اور اگلے ہی دن یعنی 3 دسمبر کو ان کی شادی ’عیسائی‘ رسم و رواج کے تحت ہوگی جبکہ دونوں شادیاں ایک ہی مقام پر منعقد کی جائیں گی۔ واضح رہے پریانکا چوپڑا اورنک جونس کی شادی کی تقریبات کا آغاز آج سے ہوگیا ہے جوکہ 3 دسمبر تک جاری رہے گا جبکہ ان کی شادی بھارت کے شہر جودھ پور کے تاریخی مقام ’امید بھون‘ پیلس میں ہوگی۔

یہ بھی دیکھیں

اپنی آخری سانس تک یہ کام کرتی رہوں گی، مشہور زمانہ گلوکارہ لتا منگیشکر نے اپنے چاہنے والوں سے وعدہ کر لیا

ممبئی (ویب ڈیسک) بالی ووڈ گلوکارہ لتا منگیشکر نے کہا ہے کہ وہ ابھی ریٹائر …

Leave a Reply

Your email address will not be published. Required fields are marked *