Thursday , December 13 2018
ہوم > انٹرنیشنل > بڑے ملک میں خوفناک زلزلہ ۔۔۔ انتہائی تشویشناک اطلاعات موصول

بڑے ملک میں خوفناک زلزلہ ۔۔۔ انتہائی تشویشناک اطلاعات موصول

انکرج)ویب ڈیسک )الاسکا کے شہر انکرج میں گزشتہ روز 7.0 اور 5.7 قوت کے یک بعد دیگرے آنے والے دو زلزوں نے عمارتوں کو نقصان پہنچایا اور سڑکوں کو توڑ پھوڑ کر رکھ دیا۔زلزلے کے بعد سونامی کی وارننگ جاری کی گئی تھی جسے کچھ دیر کے بعد واپس لے لیا گیا۔

امریکہ کے جیالوجیکل سروے نے بتایا نے کہ پہلا زلزلہ زیادہ طاقت کا تھا اور اس کا مرکز الاسکا کے سب سے بڑے شہر انکرج سے تقریباً 7 میل کے فاصلے پر شمال میں تھا۔انکرج شہر کی آبادی لگ بھگ 3 لاکھ ہے ۔ زلزلے کے جھٹکے شروع ہونے پر دفتروں میں لوگ اپنی میزوں کے نیچے پناہ حاصل کرنے کے لیے بھاگتے رہے۔انکرج کے ایئر پورٹ کو جانے والی سڑک کو بہت زیادہ نقصان پہنچا اور اس کے کئی حصے ٹوٹ پھوٹ کر زمین میں دھنس گئے جس سے کئی گاڑیاں پھنس کر رہ گئیں۔زلزلے کے جھٹکوں کے دوران شہر کے شمالی حصے میں کئی گاڑیاں آپس میں ٹکرا گئیں۔انکرج کی پولیس کے سربراہ جسٹن ڈال نے کہا ہے کہ انہیں بتایا گیا ہے کہ شہر کے شمال مشرق میں واقع گلین ہائی وے کے کئی حصے تباہ ہو گئے ہیں۔زلزلے سے دکانوں کی کھڑکیاں ٹوٹ گئیں اور شہر کے وسطی حصے میں ایک دو منزلہ عمارت میں دراڑیں پڑ گئیں۔زلزلے سے بجلی کے نظام کو بھی نقصان پہنچا اور ٹریفک لائٹس نے کام چھوڑ دیا۔الاسکا جانے اور وہاں سے روانہ ہونے والی تمام فلائٹس منسوخ کر دی گیئں کیونکہ زلزلے سے ٹیلی فون کا نظام درہم برہم ہو گیا اور ایئر پورٹ کے عملے کو کنٹرول ٹاور خالی کرنا پڑا۔انکرج کے سکول سسٹمز نے تمام کلاسیں معطل کر دیں اور والدین کو ہدایت کی وہ اپنے بچوں کو واپس لے جائیں۔

یہ بھی دیکھیں

چین میں تیار ہونیوالے پاک بحریہ کے جدید ترین جہاز کی یہ خصوصیات آپ کو دنگ کر ڈالیں گی

اسلام آباد( ویب ڈیسک) پاک بحریہ کے لیے تیار کیے جانے والے جدید ترین 3000ٹن …

Leave a Reply

Your email address will not be published. Required fields are marked *